|
|
لا تلمس الجرح يا معود وصبحا عـزوم .. البرد فتق ضلوعي وانت دوار صيــت
ضيعت عمري اطاول في حزومي رجـوم .. وايست اباقول كل الشعر في شطر بيت
لا الوقت وقتي ولا حلومي تطيع وتنـوم .. ولا الركايب وحادي العيس ترضيه ليت
ذهايب الذود راحت مع ذواهيب قـوم .. لا صار لك الف قوماني فلك الف بيـت
ترى اصعب الموت موت يذبحك كل يوم .. واصعب حياتك تعيش وانت جواك ميت
اواه يا طول عمري لا حسبت الهمـوم .. يا كني اكبر من الدنيا ولا قد شكيــت
علمك دهاني يا لاقي خير خل العلـوم .. اسرجت صفرا من همومي عليها حديـت
واطلقت للبيد راحلتي وفوق النجـوم .. راسي وانا كل راسي تيه فخر و هميــت
واقول للي يبي كرامتي لا تهـــوم .. لا انته ولا الف مثلك يهدم اللي بنيـــت
