|
|
حبيبتي لا من غديتي لي سراج اتبعــــه .. وكني غديت من الضما اركض ويطردني السراب
لا تبخلين اليا شربتك ما شربتك من سعــه .. دامي من جروح الهموم الموجعه كلي صـواب
اليوم مرتني السواني والفصول الاربعـــه .. اليوم مريت المواني والمباني والسحـــــاب
اليوم ما كني لقيت مر صوتك ما اســمعه .. اليوم ما كني فقدتك من سؤالين وجـــواب
يا بنت في خدك وهج سيل الشموس الساطعه .. احرق بداخل داخلي انسان ماهو للتـــراب
واللي خلق ظلما الليالي بالعيون الهاجعــه .. اني من الحرمان اتساءل وحرماني جــــواب
يوم الوداع اتخيلي مالي حبيب اوادعـــه .. محروم انا و تخيلي محروم حتى من العـــذاب
يا بنت لي قصه تطول بكلمتين موجعــه .. هي باختصار اني انا اركض ويطردني الســراب
